• Кытайдан автобустарды алып келгени шаарга көрк кошккон эле. Бирок кызыл-тазыл автобустар өз тагдырына кара булут каптатып, 4 жыл темир тордо отурду. 7-майда Түлеев эркиндикке чыгып, бүгүн пресс-жыйын өткөрдү. Жакшы эле жүрдүм дейт. Абакта “авторитет” болдум деп айтып берди.
  • Негизи, бүгүн экс-мэр күндүн темасы болду. Ким эле, эмнеге камалды эле деп эстей албай жатсаңыз, бул жерден окуп койсоңуз болот.
  • Бирөөсү камактан чыкса, башкасы абактын азабын эми көрөт окшойт. “Элдик парламент” өкүлү Бекболот Талгарбековду жаңы эле камап кетишти. Бийликти басып алганга аракет кылыптыр.
  • Бүгүн Жогорку Кеңеште өтө “ысык” болуп жатат. Ушул мүнөттө мурунку премьер Сариевди угуп жатышат. Балыкчы-Корумду жолунун тагдыры боюнча. Парламент бейөкмөт уюмдардын өзгөчө назарында болду. Депутаттар аларды “чет элдик агент” кылып салбаса экен деп. Кылып салган жок.
  • Жогорку Кеңешти биротоло “жаап” өтөлү. Мыйзам чыгаруу органы бюджеттен айлыкты эң көп алган мекеме экен. Өкмөт, президенттин аппараты, жогорку сот, башкы прокуратура менен салыштырып көрдүк.
  • Ашыкча 18-19 млрд сомуңуз бар болсо, Megacom’ду сатып алсаңыз болот. Кайрылып калаар деп аукционду 15-июнга чейин жылдырып коюшту.
  • Бүгүн бензин кымбаттады. 1 сомго. Көп деле эмес. Бирок кымбаттады да.
  • 12-майды боордошторубуз менен жыйынтыктайлычы. Картөшкөбүздү киргизбей жатат. Илдет бар деп. Бирок, биздин тарап чыныгы себеби башкадабы деп күмөн санап жатат.
  • Балким, өздөрү айдайбыз деп жаткандыр. Жер да казып башташыптыр. Болгондо да чек арабызда. Биздин аймакка кирип алып.

Ошоо, жаңылыктар…

Баары жакшы болот, баары өз убагында!

Урматыбыз менен, Saat.kg редакциясы!

Эгер ката тапсаңыз, сураныч, катаны белгилеп туруп, Ctrl+Enter баскычын басыңыз!

comments powered by HyperComments
Бөлүшүү