Шашылыш билдирүү! 6-7-майда Кыргызстанда аба ырайы кескин өзгөрүлөт

Автор -
0

Өзгөчө кырдаалдар министрлиги аба ырайына байланыштуу шашылыш билдирүү таратты.

Анда 6-7-майда Кыргызстандын аймагында түнкүсүн маал-маалы менен жаан жаап, күн күркүрөшү, тоолуу райондордо кар жаашы ыктымал экени айтылат.

6-майда Чүй, Ош, Жалал-Абад облустарында, 7-майда түнкүсүн Ысык-Көл облусунда жаан-чачын катуу жаашы мүмкүн.

Батыштан соккон шамалдын ылдамдыгы секундасына 4-9 метрден Чүй, Талас, Нарын, Ысык-Көл облустарында 17-22 метрге жетет.

Мындай аба ырайы айыл чарба иштерине, автоунаа каттамына, энергетика жана коммуналдык кызматтардын ишине, жайытта мал багууга жолтоо болот.

6-7 майда нөшөр жаанга байланыштуу Ош жана Жалал-Абад облустарындагы дарыяларда суунун деңгээли көтөрүлөт.

 

Бөлүшүү

ПИКИР ЖОК

Жооп калтырыңыз