Токмоктогу убактылуу кармоочу жайдан качкан 3 өспүрүм кармалды

Автор -
0

Чүй облусунун Токмок шаарындагы убактылуу кармоочу жайдан качкан 3 өспүрүм кармалды. Бул тууралуу Чүй ОИИББинен билдиришти.

Маалыматка ылайык, ыкчам иликтөө иштеринин жүрүшүндө шектүүлөр Токмок шаарындагы токойдон кармалышкан. Учурда аларга карата Кылмыш-жаза кодексинин 336-беренеси (эркиндигинен ажыратуу жайынан же камактан качуу) менен кылмыш иши козголгону айтылат.

Учурда тергөө иштери жүрүп жатат.

Бүгүн, 1-майда саат 07:00дөр чамасында Токмоктогу убактылуу кармоочу жайдан 3 өспүрүм качып кетишкен.

Кармалган өспүрүмдөр:

Юсупахунов Руслан Гаширович 16 жашта, Токмок шаарынын тургуну, Кылмыш-жаза кодексинин 172-беренеси (автомобилди же башка автотранспорт каражатын укукка жат түрдө ээлеп алуу) менен айыпталып жаткан.

Ворончихин Леонид Дмитриевич 18 жашта, Токмок шаарынын тургуну, Кылмыш-жаза кодексинин 164-беренеси (уурдоо) менен айыпталып жаткан.

Порошин Анатолий Сергеевич 17 жашта, Кылмыш-жаза кодексинин 97-беренеси (адам өлтүрүү) менен айыпталып жаткан.

 

Эгер ката тапсаңыз, сураныч, катаны белгилеп туруп, Ctrl+Enter баскычын басыңыз!

Бөлүшүү

ПИКИР ЖОК

Жооп калтырыңыз