Жалал-Абад облусунун Жалал-Абад шаарында жайгашкан борбордук базарда өрт катталган,-деп билдирет ӨКМнин басма сөз кызматы. Өрт тууралуу билдирүү түнкү саат 02:00дөр чамасында түшкөн.
Маалыматка ылайык, Өрттүн жалпы болжол менен 1 344 чарчы метр аянтты түздү.
“Тартылган күчтөрдүн жардамы менен саат 03:17де өрт чектөөгө алынып, саат 06:27де толугу менен өчүрүлгөн”,-деп айтылат маалыматта.
Алдын ала билдирүүгө ылайык жабыркагандар жок. Учурда өрттүн себеби жана келтирилген чыгымдары такталууда.
Эскерте кетсек, бүгүн, 13-апрелде «Ош базарындагы» «Берекет» соода түйүнүнөн түнкү саат 3:00дөр чамасында өрт чыкты.
Сүрөт: Алина Адилбек кызы
