Ош шаарынын балдар бакчаларында жана мектепке чейинки билим берүү уюмдарында долбоордун негизинде иш-чаралар өтүүдө.
Шаардын билим берүү башкармалыгынын маалыматка ылайык, программа боюнча ата-энелер (чоң эне, чоң ата, таята, тайне жана башка туугандары) атайын түзүлгөн графиктин негизинде жумасына жарым саат милдеттүү түрдө, андан сырткары учурда каалашынча балдарга жомок айтып беришет.
“Биз балдарга китеп окуп берүү менен кызыктуу жомокторду айтып беришибиз керек. Анткени жомок аркылуу балдарды туура тарбиялап, мекенчилдикке жана боорукер болууга үндөсөк болот”- деди билим берүүнүн башчысы К. Кимсанов.
Иш-чаранын алкагында №48 балдар бакчасында “Окурман үй бүлө” аттуу таймаш ата-энелер арасында өткөрүлдү. Анда ата-энелер балдарына жомок айтып берүүсү, жомокту көп билгичтиги жана балдарднын уккан жомокторун эстеп калгандыгы аныктоо максатында өткөрүлдү. Таймашка катышкан ата-энелер да иш-чаранын маанилүү, кызыктуу экендигин айтышты. Ошондой эле “Ата-эненин жомогу” акциясына активдүү катышарын белгилешти.
