Күнөсканаларды кандай куруу керек, кантип өстүрүү керек, күнөскана чарбаларын иштетүүдө фермерлерге, жеке ишкерчилик кылам дегендерге окутуулар өткөрүлүп, жардам берилип жатат.
Айыл чарба министрлигинин маалыматы боюнча, семинарга министрликтин, Чүй облусунун өкүлдөрү, Түштүк Кореянын атайын ыйгарымдуу элчиси, Талас, Ысык-Көл, Нарын облусунун фермерлер катышты.
Окутуунун биринчи бөлүгү практика жүзүндө ишке ашып, катышуучулар бүгүнкү күндө иштеп жаткан күнөсканалардын иши менен таанышышты. Алгач Сары-Жон айылындагы эң чоң аталган жергиликтүү кореялык Роман Шиндин күнөсканасын көрүштү. Андан сон, Ысык-Ата районуна караштуу Узун кыр айыл өкмөтүндө жайгашкан күнөскананы жеринде барып көрүштү.
Маалыматка ылайык, Ысык-Ата району боюнча күнөсканалардын саны 70 болсо быйылкы жылы 80ге жеткен.
