Кайненеге тиешелүү 12 сапат

Кайненеге башка үй-бүлөдө тарбияланып, үй жумуштарын жасоодо башка эрежелерди колдонуп өскөнүнө карабай, өз нормасына салгычакты келини уйкучу, жүдөө, сөзгө түшүнбөс дегеле тарбиясы жок шалаакыдай көрүнөт.

Баласы достору менен кетип үйгө келбей калса дагы, ал тургай ичип кетсе дагы, кабатыр болуп жаткан келинин жактырбай. «Кайда жүрсө да аман жүрсө экен», — деп тилейт.

Ага башка бирөөнүн келини жакшы көрүнөт. «Баланчанын келини» деп тамшанып бир саам келининин короосуна таш ыргытып алганды жакшы көрөт.

Мурунку жашоосун чийип таштап, бизге гана кызмат кылса деп ойлойт. Ошондуктан аларга төркүнүнө көп барган, курбулары менен мамилесин үзбөгөн келиндер жакпайт.

Келини төркүнүнө көп каттаса жаман көргөн кайнене, көп келбей калган кызына сарсанаа болуп ичинен күйөө баласын бир жектеп алат.

«Келиндер ассоциациясы» чарчабас, уктабас, оорубас, көңүлү чөкпөс болгондуктан, башында бул нормалардан жаза тайган келиндерди кайненелер дароо кара тизмеге киргизет.

Небересинен уккан какшык сөздөрдү үйрөтүп койду деп келининен көрөт. Бир бала өзү айтып жаткан болот.

Кайнене келинин жаман көрүп, кызын мактайт, бирок кызын да барган жеринде кайненеси жактырбай өз кызын макташы мүмкүн.

Баламдай эле көрүп калдым дегени менен, ар дайым күйөө баласын кызына кылган мамилесине карап байкап турат.

Кызынын көзүн карап күйпөлөктөгөн күйөө бала ага майдай жагат, эгер ушул эле камкордукту уулу келинине жасаса кыжыры кайнайт.

Канчалык катаал кайнене болсо да, кийин бара-бара келинине көнүп, өз кызына жетпесе да, андан кем көрбөй калат.

Боюнда барда келинине барган жеринен тамаш-аш ала келмей адаты бар.