Кыргыздын нукура жүзүн сактап, аны замандапташтырып, брендге айланткан кыргыз жаратмандары.
Табылды Эгембердиев
1992-жылы «Шоро» компаниясынын негиздөөчүсү, алкоголсуз кыргыз суусундуктарын брендге айлантып, дүйнөгө тааныткан. 2011-жылы «Супара» этнографиялык комплексин түзгөн. 2011-жылдан тартып Ордо федерациясынын президенти болуп иштеген. Базар экономикасынын шарттарындагы жемиштүү эмгеги үчүн «Даңк» медалына ээ болгон.
Аскар Салымбеков
1991-жылы «Дордой» базарын негиздеген. «Көк бөрү» оюнун жаңыча уюштуруунун демилгечилеринин бири. Баарынан да кызыгы Табылды Эгембердиев жарма жасайм деп, Салымбеков болсо сазга базар ачам деп элге шылдың болушкан экен.
Мухаммед Али Абдырахман уулу
Кыргыздын оюусун түшүрүп, эзелки доорлорду, ата-бабаларды эске салган булгары кыргыз бут кийимдерин чыгарат.
Ал бул ишти 350 сом менен баштаган. Бир жуп бут кийим чыккыдай материал алып, даярдаган.
Тынчтык Калмамбетов
«Бал аяз» деген компания кымыз, сүзмө, талкан, сары май кошулган балмуздактар сатыкка чыгып жатат. Бул этно балмуздактар былтыр күздөн бери чыгара баштаган.
Алардын максаты — кыргыздын кымызын алыска таанытуу болду. Азыр балмуздактын 20 ашык түрү өндүрүлөт. Табийгый таза азыктар менен жасалат. Ага бул идеяны Германиядагы кайын агасы сунуштаган.
