Суусамырда мындан беш жыл мурда “Байтур” кымыз менен дарылоо жайы ачылган.
Деңиз деңгээлинен 2 200 метр бийиктикте жайгашкан Суусамыр өрөөнүнөн орун алган жай журналисттерге пресс-тур өткөрдү. Бишкек шаары менен аралыгы 160 км түзөт.
Кымыз — зат алмашуу бузулганда, карыган курактагы ооруларда жана алсыздыкта, стрессте жана өнөкөт чарчоодо, кургак учукту дарылоодо жардам берет. Адамдын ден соолугу үчүн кымыздын дарылык касиети өтө уникалдуу.
Аталган жай экологиялык жактан таза продукция менен адамдарды дарылоону көздөй турганын билдиришти.
Иш-чаранын жүрүшүндө журналисттер кымыз менен дарылануучулар үчүн ыңгайлуу шарттардын бардыгы түзүлгөнүн айтып, дарыланам дегендерди эс алууга чакырышты.
