КРдин Сауд Арабиясындагы жана Египеттеги элчиси Абдилатиф Жумабаев ТАРда дагы элчи кызматын бирге алып кетет.
Жумабаевди Африканын эң түштүгүндөгү өлкөсүндө элчи катары дайындоо жарлыгына бүгүн президент Алмазбек Атамбаев кол койду. Үч мамлекетте Кыргызстандын өкүлү болгону менен резиденциясы Сауд Арабиясынын борбору Эр-Риядда жайгашат.
Президенттин дагы бир буйругу менен Кыргызстандын Өзбекстандагы жаңы элчиси болуп Данияр Сыдыков дайындалды. Ал эми Алматыда (Казакстан) консул болуп экс-жаштар министри Алиясбек Алымкулов бекитилди.
