Канада тургуну Уильям Лидьярд ойлоп тапкан дөңгөлөктөр менен капталга да айдай берсе болот. Бул унаанын токтотуп жатканда абдан ыңгайлуу.
Уильямдын айтымында, мындай дөңгөлөктөрдү каалаган машинеге тагып койсо болот. Алар кадимки дөңгөлөктөн көп айырмаланбайт. Анын үстүнө, ар кандай жолдо жүрүп, аба ырайынан көз каранды эмес.
Лидьярд ойлоп тапкан дөңгөлөктөрдү өзүнүн Toyota Echo унаасына тагып көрүп, видеого тартты. Ал кандай механизм менен иштей турганын айткан жок.
