Бүгүн Чүй облусунун ИИБ башчысы Капар Батырканов орусиялык турист Дмитрий Ребров менен жолукту.
Ребров кыргыз милиция кызматкерлеринин оперативдүү иштегенине токтолуп, ыраазычылык билдиргенин K-News жазып чыкты.
4-июлда орусиялык турист майып баласын Ысык-Көлгө дарылоого алып келе жатканда, жолдон өзөрүн милиция деп тааныштыргандар тоноп кеткен.
Кылмышка шектүү деп мурда милиция болуп иштегендер кармалып, учурда тергөө иштери жүрүп жатат.
Бул окуяны премьер-министр Сооронбай Жээнбеков, ИИМ башчысы Кашкар Жунушалиев жеке көзөмөлүнө алышкан.
