“New Bishkek” демилгесин Бишкек шаарын өнүктүрүү агенттиги менен Elite House курулуш ишканасы көтөрүп чыккан.
Анда шаар экологиясы, инфраструктурасы жана калаанын визуалдык көрүнүшү номинациялары боюнча долбоорлор кабыл алынат.
Андан сырткары, алар пайдалуу, креативдүү, социалдык мааниси бар жана ишке аша тургандай болушу шарт.
Мыкты долбоорлор атайын комиссия жана онлайн-тандоо аркылуу шаар тургундары тарабынан тандалат.
Онлайн-тандоо 5-12-сентябрга чейин уланат.
Жеңүүчүлөргө 500 доллар эсебиндеги сыйлык тапшырылып, жеңип чыккан долбоор үчүн 2000 доллар акча каражаты бөлүнөт.
Катышуу үчүн атайын форманы толтуруп newbishkek@elitehouse.kg адресине 31-августка чейин жөнөтүү керек.
