Күнүмдүк жашоодо орчундуу орду бар интернет бир топ жеңилдиктердин очогу болуп келет.
Кыргыз колдонуучулары үчүн чыгарылган тиркемелердин тизмесин сунуштайбыз.
Эл-сөздүк
К.Юдахиндин сөздүгүнөн баштап кыргыз-орус-англис тилачарына чейин өзүнө камтыган бул колдонмо кыргыз тилин үйрөнүүнү каалагандар үчүн жакшы мүмкүнчүлүк. Ал өзүнө 2 миңден ашык кыргызча сөздөрдү камтыйт. Ошондой эле виртуалдуу клавиатурага кыргызча тамгаларды (ө, ң, ү) кошуу функциясы бар.
Charba
«Charba» колдонмосунан чарбакерлер жарнак катары өндүргөн продукцияларын жана мал-жандыгын чыгарып турат. Анда башкалардын жарыяларын да көрө алышат. Мындан тышкары, алып-сатарлар кабардар болуп, керек учурда келип, дүңүнөн алып кетип турушат.
Ойноп окуйбуз 2
Ага Хан фонду USAID менен бирге «Ойноп окуйбуз 2» мобилдик колдонмосун чыгарган.
Ал жерде кыргызча 15 китеп бар. Бул колдонмо менен балдар окуп, кызыктуу көнүгүүлөрдү жасап, окуганын түшүнүүгө жакшы шарт түзүлүп берет. Мындан тышкары 6 китеп орус жана англис тилинде жеткиликтүү. Ата-энелер колдонмону play marketтен жүктөй алат.
Баластан
«Баластан» балдар журналы мобилдик колдонмосун чыгарды. Анда журналдын электрондук версиясынан сырткары балдар үчүн акыл-эсти өстүрүүчү көптөгөн кызыктар бар.
TEZ
Бир нече функционалдуу колдонмо. Бишкек картасынын 3D версиясы, шаардан дарыкана, ашкана, кинотеатр жана башка кызыктыруучу жерлерди табууга жардам берет. Ошондой эле так аба ырайы жана такси чакыруу кызматы бар.
Ал эле эмес Ысык-Көлдөгү абанын жана суунун температурасын байкаганга мүмкүнчүлүк.
Android жана IOS системалары үчүн жеткиликтүү
Teztap.kg
Lalafo.kg
Кыргызстандагы онлайн базарлардын бир түрү. Ар бир колдонуучу каалаганын сатууга же сатып алууга мүмкүндүк алат.
