Маданият министринин милдетин аткаруучу Түгөлбай Казаковдун буйругу менен Москвада курулуучу Чынгыз Айтматовдун эстелигин курууга ачык чыгармачыл сынак жарыяланат.
Сынакка кесипкөй сүрөтчүлөр, архитекторлор катыша алат. Ошондой эле катышуучу катары жалгыз автор же чыгармачыл жамаат болсо болот. Адамдын жашы боюнча чек жок. Катышуучу сынакка дярдаган ишине кеткен чыгашаны өзү төлөйт.
Конкурс 15-августтан 15-октябрга чейин уланат. Сынакка катышуу үчүн Г. Айтиев атындагы музейге же 0312 620548, 621641 телефон номурларына кайрылса болот.
