Азербайжанда Түркиянын бийлиги тарабынан жакындагы төңкөрүш жасоо аракетине айыпталып жаткан түркиялык диний ишмер Фетуллах Гүлендин тарапташтарына карата кылмыш иши козголду.

Азербайжан прокуратурасы «Гүлендин тарапташтарынын өлкөдөгү мыйзамсыз аракеттерин алдын алуу» үчүн чараларды көрүп жатат. Бул тууралуу Би-би-си билдирүүдө.

Haqqin.az порталы өз булактарына шилтеме берип жазгандай, кылмыш ишинин козголушуна «конституциялык түзүлүштү бузууга ачык чакырык жасоолор» негиз болгон.

Азырынча расмий дагы, жашыруун дагы булактар жаңы кылмыш ишинин кимдерге каршы козголгонун жана анын кайсыл окуяга байланыштуу экенин билдирише элек. Haqqin.azдын журналисттери тарабынан жүргүзүлгөн иликтөөнүн авторлору жеке булактарынын маалыматтарынын негизинде кылмыш иши оппозициялык Элдик фронт партиясынын мүчөлөрүнө каршы козголгон болушу мүмкүн деп эсептеп жатышат.

Түркия Тоолуу Карабах чырында Азербайжанды ачык колдоп келет. Азербайжан бийлиги орус-түрк мамилелери начарлаган учурда Түркияны колдой турганын көрсөткөн.

Эгер ката тапсаңыз, сураныч, катаны белгилеп туруп, Ctrl+Enter баскычын басыңыз!

Бөлүшүү