Дзюдо федерациясынын президенти, дене тарбия жана спорт башкармасынын жетекчиси Ырысбек Мааткабылов Юрий Краковецкийге спортко кошкон салымы үчүн унаа белек кылды.
Бул маалыматты аталган федерацияда кабарлашты.
Ага ылайык, 31-августта Мааткабылов Subаru Legacy үлгүсүндөгү унаанын ачкычын спортчуга берген.
Краковецкий эки жолу Олимп оюндарына катышып, Рио-2016да 7-орунду алган.
Ошондой эле ал эки жолу Азия Чемпионатында призер аталып, дүйнөдөгү 20 мыкты дзюдочунун катарына кирген.
