Бүгүн Чолпон-Ата шаарында түркмөн жана азербайжан элинин улуттук күрөш оюндары өтүүдө.
Бул саамда Saat.kg спортчулардан маанайы жана сезимдери тууралуу сурап көрдү.
Рамиля кыз-келиндер күрөшү боюнча күч сынашат.
“Менин мелдешим 7- сентябрдан тарта башталат. Азыр оюндарда көрүүчүмүн. Сөз жок. Кызыктуу өтүп жатат. Мага казак күрөшү жакты. Мелдештерде кыргыздар үчүн жан үрөп жаттым”,- дейт.
Мили гюлеш боюнча спортчу Сулейман оюндарга жеңүү үчүн келгендигин айтып өттү.
“Менин максатым албетте биринчи болуу. Кыргызстандын керемет көлү мени суктанттырды. Кыргыз кыздар да сулуу экен. Бирок менин жубайым бар”,- дейт спортчу.
Азербайжан курамасы жакпай калган учурларды да атап өттү.
“Оюндар программадан кеч башталууда. Так убактысы боюнча башталбай жатат. Кыргыздар көп кечигет деп уккам”, — деп кошумчалады Рамиля.
