Чолпон-Атадагы ат майданында көк бөрү боюнча 3-орун үчүн болгон мелдеш болуп, кытайлык кыргыздар колону алышты.
Saat.kgге кытайлык кыргыздар оюн өзгөчө болгонун айтып берди.
«Биздин улакчылар “карьга” ойнойт. Баскетболго окшош. Тай казан 70 см бийиктикте жайгашып, “карь” деп аталат. Улактын салмагы 14-15 кг болот. Шиньчжан уйгур автономиясынын Текес районунун Көк-Терек айылынан келген спортчулар тай казанда 34-35 кг улак тартуу оор болду”,- дешет.
