Орусиянын спорт министри Виталий Мутко жакында түзүлгөн премьер-министрдин орун басары кызматына дайындалды.
Спорт, туризм, жаштар саясаты маселелери боюнча вице-премьерлик кызматка анын талапкерлигин бекитүүнү премьер-министр Дмитрий Медведев сунуштап, Владимир Путин колдогон.
Эми спорт министринин орун басары Павел Колобков бул мекеменин башчысы болуп калды.
Жаңы кызмат ордун түзүү идеасын Орусия президенти 11-октябрда билдирген. 2008-жылдан бери спорт министрлигин жетектеп келе жаткан Мутко бийлик тарабынан колдоого алынган допинг жаңжалына аралашкан.
Жыйынтыгында Эл аралык олимпиадалык комитет орусиялык көптөгөн жеңил атлеттерди Бразилияда өткөн оюндардан четтеткен. Мындан тышкары сентябрдагы Паралимпиадага Орусиянын бүтүндөй курамасы катыштырылган эмес.
