Кыргыз Республикасынын премьер-министри Сооронбай Жээнбеков мекендештерин ыйык Орозо айы менен куттуктады.
Төмөндө куттуктоо тексти:
«Урматтуу мекендештер! Сиздерди Кыргыз Республикасынын өкмөтүнүн атынан ыйык Рамазан айы менен куттуктайм.
Орозо айы адамдарды бири-бирине кайрымдуу болууга чакырат, ар бир момун мусулман ниетин, пейилин тазартууга аракет кылып, Жараткандан жакшылык сурайт.
Баардыгыңыздарга бекем ден-соолук каалайм, ниет кылган тилектериңиздер орундалышын Кудайдан тилейм.
Кыргызстаныбызда тынчтык, ар бир үй-бүлөдө бакубатчылык жана жакшылыктар көп болсун».
