Дүйнөдөгү эң кадыр-барктуу жана сыйлуу адамдардын тизмеси жарыяланды.
Эл аралык «YouGov» изилдөө компаниясы жыл сайын дүйнөдөгү эң кадыр-барктуу жана сыйлуу адамдардын тизмесин жарыялап келет. Бул жылы да жаңыланган тизме коомчулукка жарыяланды.
Маалым болгондой, эл ичинде эң көп кадыр-баркка ээ адамдарды аныктоо үчүн коом ичиндеги сурамжылоого 35 өлкөнүн 37 миң жашоочусу катышкан. Жыйынтыгында, эркектер арасында эң сыйлуу адам катары америкалык ишкер Билл Гейтс табылса, аялдар арасында биринчиликти белгилүү актриса Анжелина Жоли багындырган.
Ал эми эркектер арасында алгачкы үчтүккө Барак Обама жана Жеки Чан кирсе, аялдардан Мишель Обама менен Опра Уинфри сыйлуу инсандардын катарын толуктаган. Кызыгы, эркектер арасында көбүнчө саясатчы, спортчу жана ишкерлер бааланса, айымдардан кино жана шоу-бизнес тармагындагы атактуулар баалана турганы байкалган.
