Кочкор районун Ак-Жар айылында 15-апрелде, саат 19:57 чамасында «Ауди-100 С4» үлгүсүндөгү мамлекеттик №В77-91V жеңил унаанын айдоочусу жолдо бараткан жөө жүргүнчүнү сүзүп, андан кийин бакты сүзүп жаракат алган. Бул тууралуу ӨКМнын басма сөз кызматы билдирди.
Маалыматка ылайык, жол кырсыктын кесепетинен 1974-жылы туулган Б.Э аттуу жөө жүргүнчү жеринде каза болгон, ал эми 1960-жылы туулган айдоочу К.Сны медициналык тез жардам кызматы ооруканага алып кеткен.
КР ӨКМнин №42-өрткө каршы-куткаруу бөлүмүнүн куткаруучулары каза болгон жөө жүргүнчүнүн жансыз денесин ИИМ кызматкерлерине өткөрүп беришкен.
