Орусиялык кинорежиссер Андрей Звягинцев Канн кинофестивалынын калыстар тобуна мүчө болуп кирди. Бул тууралуу deadline.com басылмасы жазып чыкты.
Маалыматка ылайык, 71-жолу уюштурулуп жаткан Канн кинофестивалынын жетекчиси Тьерри Фремо калыстар тобунун арасында 54-жаштагы кинорежиссер Андрей Звягинцев да бар экенин айтып чыккан. Калган калыстар тобунун мүчөлөрү тууралуу маалымат азырынча ачыкка чыга элек, бирок кинофестивалдын төрайымы актриса Кейт Бланшетт болору маалым болгон.
Белгилей кетсек, Канн кинофестивалы 8нен 19-майга чейин болуп өтөт. Бул жылы Сауд Арабия алгачкы ирет бир катар кыска метраждуу тасмалары менен катышат. Ошо менен бирге 71-жолу өткөрүлүп жаткан кинофестивалга жаӊы өзгөчөлүк киргизилип, жылдыздарга селфиге түшүүгө тыюу салынган. Ошо менен бирге басма сөз кызматтарына ар жылы көргөзүлчү жабык көрсөтүлүш да жоюлган.
