Жалал-Абал шаарынын Курманбек көчөсүндөгү жолдун жээгинде жайгашкан канализация кеткен түтүктөрдө мектеп окуучулары ойноп жатып, бирөө чыга албай калган. Бул тууралуу ӨКМдин басма сөз кызматынан кабарлашты.
Маалыматка ылайык, окуя кечээ, 17-мартта болжол менен саат 12:25 чамасында болгон.
“Түшүп кеткен мектеп окуучусун КР ӨКМнин №58-өрткө каршы куткаруу бөлүмүнүн куткаруучулары чыгарышып, баланы ата-энесине тапшырган. Бала эч кандай жаракат алган эмес”,-деп айтылат маалыматта.
