Ош базарындагы «Берекет» соода борборунун директору жана имараттын өрт коопсуздугуна жооп берген кызматкери камакка алынды. Бул тууралуу бүгүн, 25-апрелде «SAAT.KG» маалымат агенттигине Бишкек ШИИББинин басма сөз кызматынан билдиришти.
Маалыматка ылайык, алар кечээ, 24-апрелде кармалышкан. Учурда аларга карата 238-берене (өрт коопсуздугунун эрежелерин бузуу) менен кылмыш иши козголуп, убактылуу кармоочу жайга киргизилген.
Эскерте кетсек, «Берекет» базарында 13-апрелде түн ичинде чыккан өрттөн болжол менен 2000 чарчы метр жер күйгөн.
