АКШ Сирияда калып, «Ислам мамлекети» террордук тобуна каршы күрөштү күчөтөт. Бул тууралуу Кошмо Штаттардын коргоо министри Жеймс Мэттис Сенаттын куралдуу күчтөр боюнча комитетиндеги угуулар маалында билдирди.
Пенатгон башчысы АКШ исламчыларга каршы күрөшкө Жакынкы Чыгыштагы көбүрөөк өлкөнү тартууга ниеттенип жатканын белгиледи. Мэттистин айтымында, акыркы кездери экстремисттик топтордун аймактагы активдүүлүгү өстү.
Апрелдин башында АКШнын президенти Дональд Трамп мындан ары америкалык аскерлердин Сирияда калышына зарылчылык жок экенин билдирген. Ал жакын арада Кошмо Штаттар аскерлерин Сириянын аймагынан толук чыгарып кетүү чечимин кабыл алууну убадалаган.
