Кыргызстанга Орусиянын үч облусунан куш этин алып келүүгө тыюу салынды

Автор -

Бул тууралуу Жогорку Кеӊеште өлкөдөгү эпизотиялык абалга көзөмөлдү күчөтүүгө багытталган “Кыргыз Республикасынын Администрациялык жоопкерчилик жөнүндө кодексине өзгөртүүлөрдү киргизүү тууралуу” мыйзам долбоору каралып жатканда белгилүү болду. Мындай чара көрүүгө ал өлкөдөгү куш тумоосунун жайылышы себеп болгон.

Депутат Таалайбек Масабиров анда эмне үчүн Кыргызстандын базарларында башка өлкөлөрдөн алып келүүгө тыюу салынган өрдөктүн эттери сатылып жатканына кызыкты.

«Өрдөк эттери Тажикстандан ташылып келип жатканы тууралуу маалыматтар бар. Алар чек арадан кантип өтүүдө? Менин колумда сиз тарабынан тыюу салынган ошол этти ташып келүүгө уруксат берилген документ турат, муну кандай түшүнсөк болот?», — деген собол салды ал.

Ветфитосанитардык инспекциянын башчысы Калысбек Жумаканов транзиттик ташууларга гана уруксат бериле турганын билдирди.

Эгер ката тапсаңыз, сураныч, катаны белгилеп туруп, Ctrl+Enter баскычын басыңыз!

Бөлүшүү