«Бүгүн, 2-июлда жеңилдетилген шарт менен автоунааларды кайра каттатуунун мөөнөтү аяктай»,-деп билдирет Мамлекеттик каттоо кызматы.
Маалыматка ылайык, жарандар бүгүн саат 22.00гө чейин унаасын кайра каттоодон өткөрө алат.
«Акция 2-апрелде башталган, бул убакытта ишеним кат менен жүргөн 120 миңден ашык айдоочу унаасын кайра каттатты»,- деп айтылат маалыматта.
Буга чейин Каттоо кызматы унааларды каттоонун төлөмү 3-июлдан тарта 0,3 пайызга жогорулаарын билдирген. Акция учурунда 0,1 пайыз менен жүргүзүлдү.
