Тажикстанда Курман айт 21-августта белгиленет

Автор -

Мусулмандардын эң башкы майрамдарынын бири эсептелген Курман айт быйыл Тажикстанда 21-августта белгиленет.

Тажик Уламалар кеңешинен билдиришкендей, майрамдык намаз өлкөнүн бардык мечиттеринде таңкы саат 6:30да башталат.

Майрамды белгилөө күнү Тажикстандын Илимдер академиясынын алдындагы Астрофизика институтунун окумуштууларынын эсеби боюнча аныкталды.

Уламалар кеңешинин 14-августтагы жыйынында бардык имам-хатибдерге адамдарды майрамда ысырапкорчулукка барбай, жупуну дасторкон жайууга үндөө тапшырмасы берилди.

Тажикстанда Орозо айт жана Курман айт майрамдалган күндөр 1991-жылдан бери дем алыш күн деп жарыяланган.

Бөлүшүү