Дзюдо боюнча Бакуда өтүп жаткан дүйнө чемпионатында казакстандык Галбадрах Отгонцэцэг 48 килограмм салмакта коло медаль тагынды. Ал үчүнчү орун үчүн өткөн күрөштө монголиялык Уранцэцэг Мункхбатты жеңди.
Галбадрах жарым финалда украиналык Дарья Билодидден жеңилген. Билодид Бакудагы дүйнө чемпионатынын финалында жапониялык Фуна Тонакини утуп, алтын алды.
Галбадрах 2010-жылы Казакстанга Монголиядан келген. Ал Монголоияда Уранцэцэгден кийин экинчи номердеги спортчу болгон. Галбадрах жарыштарга катышуу үчүн Казакстан жарандыгын алган. Монголия дзюдо федерациясы да анын Казакстан атынан жарышка катышуусуна каршы болгон эмес.
2016-жылы Риодо өткөн Олимпиада оюндарында ал коло медаль уткан. Быйыл Жакартада болгон Азия оюндарында да үчүнчү орунга илинген.
