Кыргызгидромет борбору 31-декабрга чейин Кыргызстандын аймагында күтүлгөн аба ырайы тууралуу маалымат таратты.
25-декабрда тоолуу райондордо, Ысык-Көл облусунун чыгышындабир-аз кар жаашы күтүлөт. Калган аймактарда жаан-чачын күтүлбөйт. Чүй, Талас, Ош, Баткен, Жалал-Абад облустарынын кээ бир райондорунда туман түшүшү күтүлөт. Жолдор тайгак жана тоңголок болот. Батыштан соккон шамалдын ылдамдыгы секундасына 2-7 метрге жетет.
26-декабрда жаан-чачын күтүлбөйт. Чүй, Талас, Ош, Баткен, Жалал-Абад облустарынын кээ бир райондорунда туман түшүшү күтүлөт. Жолдор тоңголок, тайгак болот. Батыштан соккон шамалдын ылдамдыгы секундасына 2-7 метрге жетет.
27-декабрь күнү Ош, Жалал-Абад, Баткен облустарынын тоо этектеринде жана тоолуу райондорунда, Чүй, Талас, Ысык-Көл, Нарын облустарынын көпчүлүк аймактарында кар жаашы күтүлөт. Чүй, Талас, Ош, Баткен, Жалал-Абад облустарынын тоо этектеринде туман түшүшү күтүлөт. Жолдор тайгак жана тоңголок болот. Батыштан соккон шамалдын ылдамдыгы секундасына 2-7 метрден, Ысык-Көл акваториясында 15-20 метрге жетиши күтүлөт.
28-29-декабрь күндөрү жаан-чачын күтүлбөйт. Жолдор тайгак жана тоңголок болот. Батыштан соккон шамалдын ылдамдыгы секундасына 4-9 метр болот.
30-декабрда түнкүсүн жаан-чачын күтүлбөйт, 30-декабрда күндүз жана 31-декабрда кар жаашы күтүлөт. Абанын температурасы бир аз төмөндөйт.
