Казакстанда автоунаа оңдоо жайында жарылуу болуп, жети киши жабыркады

Автор -

Казакстандын Костанай шаарындагы техникалык тейлөө станциясында жарылуу болуп, жети киши жабыркады. Бул тууралуу жергиликтүү басылмалар кабарлашты.

Маалыматтарга караганда, жарылуу коомдук тамактануу жайы менен техникалык тейлөө станциясы жайгашкан имаратта болгон.

Облустук өзгөчө кырдаалдар департаментинен билдиришкендей, жарылуу болгон маалда тейлөө станциясында газ менен жүрүүчү автоунаа токтоп турган.

Күбөлөрдүн айтымдарында, жарылуудан улам имарат урап, өрт чыккан. Жабыркагандар урандылардын алдынан чыгарылган.

Костанай облустук саламаттык сактоо башкармалыгынын басма сөз кызматы шаардык ооруканага жеткирилген төрт адамдын экөөсүнүн абалы оор экенин билдирди.

Эгер ката тапсаңыз, сураныч, катаны белгилеп туруп, Ctrl+Enter баскычын басыңыз!

Бөлүшүү