23-августта Ташкенттеги «Малика» базарында сакал койгондорго каршы рейд жүрүп, ондогон адам кармалды. Алар милиция бөлүмүнө жеткирилгенден кийин сакалдары алынып, андан соң үйлөрүнө кое берилген.
[ads-quote-center cite=’ деди аталган базарда соода кылган ишкерлердин бири.’]«Рейд түштөн кийин башталды. Милиция кызматкерлери сакалчан адамдардын бардыгын кармай башташты. Алардын арасында мен да бар болчумун. Анда бизге сакалын албагандар түрмөгө камала тургандыгын айтып коркутушту. Буга макул болбогон айрым адамдар милиция бөлүмүндө калтырылды»[/ads-quote-center]
Ал ортодо рейд маалында кармалган адамдар Ташкент шаардык ички иштер башкармалыгынын жетекчилигине кайрылып, жарандардын сакалын мажбурлап алдыртуу тууралуу буйрук боюнча расмий түшүндүрмө талап кылышууда.
Өзбекстандын Мусулмандар дин башкармалыгынан укук коргоо органдарынын мындай аракеттери мыйзамсыз экенин белгилешти.
[ads-quote-center cite=’ деп билдирди мекеменин өкүлү.’] «Сакал коюу ар бир мусулман баласы үчүн сүннөт болуп эсептелет. Жарандарды сакал койгондугу үчүн эле кысымга алуу мыйзамсыз»[/ads-quote-center]Акыркы кездери Өзбекстанда бир аз сакалы өскөн студенттер сабактарга киргизилбей, көчөдөгү сакалчан адамдар кармалып, милиция бөлүмүнө суракка жеткирилип жатканы кабарланууда.
