Президент Сооронбай Жээнбеков Борбор Азиядагы эң негизги маселелердин бири бул – чек аралардын юридикалык жактан жол-жобосу бүтпөй жаткандыгы деди. Бул тууралуу өлкө башчы бүгүн 12-ноябрда, Бишкектеги Ала-Арча мамлекеттик резиденциясында өтүп жаткан Тышкы иштер министрлигинин 75 жылдыгына карата уюштурулган иш-чарада айтты.
[ads-quote-center cite=’Сооронбай Жээнбеков’]«Чек арадагы туруктуулукту сактоо – чектеш мамлекеттердин ортосундагы кызматташууну тереңдетүүгө жагымдуу шарт түзөт. Коңшу мамлекеттер менен болгон чек араны тактоо жана аны юридикалык жактан жол-жоболоштуруу процессин тездетүүгө умтулабыз». [/ads-quote-center]Жээнбеков чек ара маселеси бир жаңсыл болуп чечилсе мамлекеттердин экономикалык дараметин толук пайдаланууга жана өз ара кызматташуу боюнча долбоорлорду ишке ашырууга кеңири мүмкүнчүлүк түзүлөрүн билдирди.
Учурда эки тараптын мамлекеттик комиссияларынын ортосунда чек арадагы такталбаган тилкелер боюнча сүйлөшүүлөр жүрүп жатат.
Кыргызстан менен Тажикстандын чек арасы 970 чакырым, анын 520 чакырымы эки тараптуу такталган, 450 чакырымы тактала элек.
