Алматыда 5-декабрь күнү эртең менен «Нурлы-Тау» административдик-турак жай комплексинин аймагындагы көп кабаттуу турак жайдын жанынан кишинин сөөгү табылды.
Өзгөчө кырдаалдар боюнча шаардык департамент ал бизнес-борбордун 12-кабатынан кулап кеткенин билдирди. Окуя жергиликтүү убакыт боюнча 10:40 чамасында болгон.
Полиция департаменти маркумдун аты-жөнү тастыкталганын, ал 48 жаштагы киши экенин маалымдады. Териштирүү иштери башталды.
Жергиликтүү басылмалар билдиргендей, бизнес-борбордун өкүлдөрү бул окуяга комментарий беришкен жок. Кырсык болгон жер курчоого алынды.
