Ош шаардык ооруканасынын нейрохирургия бөлүмүндө дарыланып жаткан жеринен качып кеткен кылмышка шектүү Алмаз Калдыбаев кармалды. Бул тууралуу Ош шаардык ички иштер башкармалыгынын басма сөз кызматы кабарлады.
Маалыматка караганда, «Каракчылыкка» шек саналып жаткан Калдыбаев Ош шаардык милициясы тарабынан Бишкектен колго түшкөн.
Ал ден соолугуна байланыштуу Ош шаардык ооруканасына жаткырылып, милиция кызматкерлеринин кайтаруусунда болгон. Бирок 17-декабрда из жашырып кеткен.
