Талас облусунун Кызыл-Туу айылында жол кырсыгынан эки адам каза таап, бирөө жабыркады. Бул тууралуу Өзгөчө кырдаалдар министрлигинен билдиришти.
Маалыматка караганда, аталган айылдын Ч.Айтматов көчөсүндө «Хонда Акорд» үлгүсүндөгү унаанын айдоочусу рулду башкара албай, жолдон чыгып бакты сүзгөн.
Жол кырсыктын кесепетинен 2 эркек киши каза болуп, 1992-ж.т. эркек киши жабыркаган. Жерине 5 куткаруучу тартылып, каза болгон адамдардын жансыз денелерин унаадан чыгарышып ИИМ кызматкерлерине өткөрүп, ал эми жабыркаган жаранды тез жардам кызматкерлери ооруканага алып кетишкен.
