Кыргызстандык жарандардын Россиянын жогорку окуу жайларында бюджеттик формада билим алуусу үчүн квоталар былтыркыга салыштырмалуу азайбайт, тескерисинче, көбөйүшү мүмкүн. Бул тууралуу Россиянын илим жана жогорку билим берүү министри Валерий Фальков билдирди.
Ал Sputnik Кыргызстан агенттигинин мультимедиалык маалымат борборунда өткөн «Эл аралык кызматташуу маселелери» аттуу видеокөпүрөгө катышты.
[ads-quote-center cite=’деди министр.’]«2019-2020-окуу жылына карата Кыргызстандын жарандары үчүн 370 бюджеттик орун бөлүндү. Эки өлкөнүн кызматташуу тенденциясы белгиленди. Ага ылайык, квотанын саны кыскарбайт, тескерисинче, өсүшү мүмкүн»,[/ads-quote-center]Фальков Россиядан билим алууга кызыккан кыргызстандыктар көбөйгөнү боюнча дагы кеп кылды.
[ads-quote-center cite=»]«Россиядагы кыргызстандык студенттердин саны эки өлкөнүн тыгыз байланышын көрсөтүп турат. КРдин жаш мууну РФ университеттеринде билим алууга кызыгып жатышат. Ушул факторду эске алуу менен кыргызстандыктар үчүн квоталар бөлүнүп турат».[/ads-quote-center]
Ал ошондой эле Россиядагы жогорку окуу жайлардын чет элдиктер үчүн өзүнчө дагы атайын программасы бар экенин белгилеп өттү.
[ads-quote-center cite=’деди Фальков.’]«Эгер таланттуу студент россиялык жогорку окуу жайга тапшыргысы келсе, анда алар үчүн атайын өзүнчө программа бар. Ага ылайык, университет студенттин чыгымдарын мойнуна алат», [/ads-quote-center]
Буга чейин Фальков Россиянын окуу жайларында 7,5 миң кыргызстандык билим алып жатса, алардын үчтөн эки бөлүгү федералдык бюджеттин эсебинен окуп жатышканын билдирген.
