Экс-депутат Ширин Айтматованын жолдошу Сыргак Кенжебаевдин камакта кармалуу мөөнөтү узартылды. Бул туурасында Биринчи май райондук сотунан билдиришти.
Чечим кечээ, 13-февралда кабыл алынган. Сыргак Кенжебаев №1 Тергөө абагында 20-апрелге чейин отурат.
Эскерте кетсек, 20-декабрда Айтматованын жолдошу Сыргак Кенжебаевди Алматынын аэропортунан кармап кетишкен. ИИМ менен УКМКнын маалыматына караганда, ага эки кылмыш иши козголгон. Бишкектин Биринчи май райондук соту аны тергөө учурунда №1 тергөө абагында кармоо чечимин чыгарган.
