Казакстандын саламаттыкты сактоо министри Елжан Биртанов коронавирус жуктуруп алган 3-адам тууралуу маалымдады, деп билдирет Tengrinews.kz.
«12-мартта Миландан Нур-Султанга келген жарандан алынган тест анда коронавирус бар экенин көрсөттү, ал — аял киши», — деп билдирди Елжан Биртанов.
13-мартта Алматыда Казакстандын Германиядан келген эки жаранынан (1974-жылкы эркек, 1984-жылы туулган аял) коронавирус инфекциясына алынган анализ оң чыккан. Бейтаптар жугуштуу оорулар ооруканасына жаткырылган. Аларда вирустун клиникалык белгилери азырынча жок.
Биринчи жуктурган казакстандык өлкөгө Германиядан 9-мартта келген. Аны менен чогуу учуп келген 73 жүргүнчү табылып, карантинге жаткырылары айтылган.
Экинчи жуктурган адам 12-мартта келген. Аны менен чогуу учуп келген 12 адам дароо эле Алматыда карантинге алынган.
