Коронавирус Караколдо: дааваттан келген жаран 4 үй-бүлө мүчөсүнө оору жуктурду

Автор -
540

Ысык-Көл облусуна караштуу Каракол шаарынын тургуну 4 адамга коронавирус жугузган. Бул тууралуу облустук штабдан билдиришти.

Буга чейин Караколдун Кирпич заводу аймагында жашаган 30 жаштагы тургуну Ш.М.дан коронавирус инфекциясы табылганы айтылган. Ал 22-март күнү Индиядан Бишкекке учуп келген. 30-мартта үй-бүлөсү менен обсервацияга алынган. Кийин анын кызы менен балдызынан вирус табылган.

«Эми болсо COVID-19 анын үч жаштагы уулу менен 9 жаштагы балдызынан табылды. Ш.М. өзү айыгып, 15-апрелде үй карантинине чыгарылган. Учурда Ысык-Көл облустук ооруканасында анын 2 баласы жана 2 балдызы дарыланып жатат», — дешти облустук штабдан.

Ушуну менен Ысык-Көл облусунда 8 адамдан вирус табылды: Түп районунун эки тургунунан, Ак-Суу районунун Жолголот айылынан -1, Каракол шаарынан — 5. Алардын төртөө айыгып чыкты.

 

Бөлүшүү