Учурда коронавируска чалдыккан бейтаптардын он алтысынын абалы оор, алардын сегизи жандандыруу бөлүмүндө жатат. Бул тууралуу саламаттык сактоо министринин орун басары Нурболот Үсөнбаев бүгүн, 20-апрелдеги брифинг учурунда билдирди.
Жалпысынан ооруканаларда COVID-19 илдетине чалдыккан 360 бейтап дарыланууда. Алардын үч жүздөн ашыгынын абалы орточо оор жана канааттандырарлык.
Республика боюнча бүгүнкү күнгө чейин жалпы 201 бейтап айыгып, ооруканадан чыгарылды. Жети бейтап каза тапты.
