Бишкекте бет капсыз жүргөндөргө айып салынат

Автор -

Бишкекте санитардык эрежелердин сакталышына өзгөчө көңүл бурулат. Бул туурасында брифинг учурунда мэр Азиз Суракматов билдирди.

Анын айтымында, бет кап тагынбаган адамдарга айып салынат. Айыптын өлчөмү миң сомдон 5 миң сомго чейин барат.

«Мунун баары оорунун жугушунун алдын алуу үчүн жасалууда», -деди ал.

Эскерте кетсек, бүгүн, 11-майдан баштап өзгөчө абалдын алынышы менен Бишкекте комендатура жоюлду. Эми анын ордуна коронавирус инфекциясынын жайылышын токтотуу максатындагы чаралар жөнүндө чечимдерди мэрия кабыл алууга укуктуу.

 

Эгер ката тапсаңыз, сураныч, катаны белгилеп туруп, Ctrl+Enter баскычын басыңыз!

Бөлүшүү