Чүй облусунда көмүр алып бара жаткан ГАЗ-53 үлгүсүндөгү жүк ташуучу автоунаа Honda Odissey менен сүзүшкөн соң оодарылып кетти. Бул тууралуу облустук Жол кыймылынын коопсуздугун камсыздоо башкармалыгынан билдиришти.
Кырсык Бишкек — Чалдовар жолунун 74-чакырымында (Панфилов айылы) саат 11:00дө болду. ЖКККБдан Honda автоунаасындагы үч киши жабыркаганын билдиришти. Кырсыктын себептери такталууда.
Окуя болгон жерде тартылган видео «Короче» Telegram каналына жүктөлдү.
