Жорж Флойдду өлтүргөн полиция кызматкери 40 жылга чейин эркинен ажыратылышы мүмкүн

Автор -

Жорж Флойдду кыйноо жолу менен өлтүргөн полиция кызматкери Дерек Човин 40 жылга чейин эркинен ажыратылышы мүмкүн. Бул тууралуу чет элдик басылмалар жазышууда.

Маалыматка ылайык, мурунку полиция кызматкери Дерек Човинге экинчи даражадагы адам өлтүрүү боюнча айып тагылууда. Миннесота штатынын прокуратурасы билдиргендей, бул берене боюнча Дерек Човин 40 жылга чейин эркинен ажыратылышы мүмкүн. Ал эми анын кесиптештери Жей-Александер Кьюн, Томас Лейн жана Ту Тао экинчи даражадагы адам өлтүрүүгө жардам бергендиги үчүн айыпталууда.

Эске салсак, 25-майда теги африкалык болгон Жорж Флойд полиция кызматкери тарабынан кыйноо жолу менен өлтүрүлгөн. Мындан улам АКШнын бир нече шааарларында нааразычылык акциясы күч алып, баш аламандык жаралган.

Эгер ката тапсаңыз, сураныч, катаны белгилеп туруп, Ctrl+Enter баскычын басыңыз!

Бөлүшүү