Кыргызстандын эмгек сиңирген артисти, белгилүү театр жана кино актеру Марат Жантелиев кечээ, 9-июнда, 59 жаш курагында мезгилсиз дүйнөдөн кайтты.
Маалыматтарга караганда, ал ооруп, реанимацияда жаткан.
Марат Жантелиев 1961-жылы Нарын облусунда туулган. 1978-жылы Орусиянын Мамлекеттик кинематография институтуна (ВГИК) өтүп, бул окуу жайды 1982-жылы аяктаган.
Алгачкы чоң ролун Төлөмүш Океевдин «Ак илбирстин тукуму» тасмасында жараткан.
Актер Бишкектеги Бакен Кыдыкеева атындагы Кыргыз мамлекеттик жаштар театрында эмгектенчү.
2017-жылы «Саякбай» тасмасында айтылуу Саякбай манасчынын образын жараткан.
2018-жылы 30-августта Жантелиевге «Кыргыз Республикасынын эмгек сиңирген артисти» деген ардактуу наам ыйгарылган.
