Таласта 212 адамдын коронавируска берген анализдери таза чыкты. Бул тууралуу КР Өкмөтүнүн Талас облусундагы ыйгарым укуктуу өкүлү Марат Мураталиев билдирди.
Анын айтымында, аймакта 10-июнда катталган алгачкы учур облустук үй-бүлөлүк медициналык борбордо иштеген дарыгерден табылды, ал мобилдик топто 15-31-майга чейин иштеген.
«Учурда Талас облусунда короновирус илдети менен 3 учур катталды, алар жогоруда айткан медицина кызматкери, анын жолдошу жана жолдошунун досу. Учурда КР ССМдин алгоритмине ылайык, 1-2-жактарда байланышта болгон 212 адамдан ПЧР-анализи алынып, бардыгынын жыйынтыктары таза чыкты», — дейт аткаминер.
