Коронавирустун алгачкы очогу болгон Кытайда бир сутка ичинде 67 адамдан COVID-19 илдети аныкталды. Бул жөнүндө Кытайдын Саламаттыкты сактоо боюнча улуттук комиссиясы берген маалыматка таянып, дүйнөлүк жалпыга маалымдоо каражаттары жазышууда.
Ага ылайык, катталгандардын ичинен кырк тогуз адамда оорунун белгилери бар болсо, он сегизинде жок болгон. Мындан сырткары бир бейтап оорудан сакайган.
Вирус катталгандан тарта Кытайда жалпы 84 миң 335 адам коронавирус менен катталса, алардын ичинен 4 миң 638 бейтап каза болгон. Ал эми 78 миң 370 адам оорудан сакайган.
