Каракол шаарында жол кырсыгынан улам бир киши каза таап, 18 жаштагы жигит жаракат алды. Бул тууралуу Өзгөчө кырдаалдар министрлигинен билдиришти.
Кырсык 26-июнь күнү саат 03:03 чамасында Пристань-Пржевальск айылына бара жаткан унаа жолдо болгон.
AUDI-A6 унаасынын айдоочусу рулду башкара албай жолдон чыгып, бакты сүзүп алган. Кырсыктын кесепетинен айдоочу (аты-жөнү такталууда) каза болуп, 2002-жылы туулган бала оор жаракат алган.
ӨКМдин куткаруучулары каза болгон адамды унаадан чыгарып ИИМ кызматкерлерине, ал эми жабыркаган адамды тез жардам кызматына өткөрүп беришкен.
